Med 60 påmeldte i mosjonistklassen, og 18 i konkurranseklassen, vart det folksamt på toppen. Der kunne ein nyte kaffe, saft og fjellsteikte vaflar i solskin og synnavind. Dei tilreisande let vel både om turen, utsikta og mottakinga dei fekk då dei kom opp. Vi vonar at fleire tek turen neste år.

Fyrstemann opp var Arve Rindal, med tida 20'46 - 10 sekund bak løyperekorden. Fyrste dame var Åse Iren Sætre med tida 25'47 - suveren rekord for damer. Dei vart premierte med 2500,- kvar.

Det vart ei spanande avslutning på Lepsøydagane med herrekampen mellom heimelaget og Aksla. Dei første 25 minutta av kampen presterte LIL festfotball. Laget fossa i angrep og Aksla hadde si fulle hyre med å demme opp. LIL leia med 3 mål før 20. min var gått, likevel var det i minste laget, for LIL produserte mange store sjansar i denne perioden.