Lepsøy tok alle tre poenga i årets første seriekamp heime.  Sigeren  såg lenge klar ut, for etter 88 spelte minutt leia heimelaget heile 3 - 0.

Lepsøy : Bjørnar Seth, Bjørn Daniel Graftås, Guttorm Kjerstad, Magnus Seth, Eirik Kjerstad, Junior Silva, Marius Eide, Geir Seth, Martin Farstad, Daniel Olsbø, Alexander Eide.

Nytta innbyttarar: Egil Seth, Nicolas Hawkes, Mikal Kjerstad

41 min    1 - 0   Alexander Eide

55 min    2 - 0   Magnus Seth

67 min    3 - 0   Geir Seth

88 min    3 - 1   Nils Ove Støbakk

92 min    3 - 2   Henning Dyb

Rødt kort: Stian Roald, Godøy/Vigra

*** Alexander Eide

**   Marius Eide

*     Martin Farstad

Lepsøy tok alle tre poenga i årets første seriekamp heime. Sigeren såg lenge klar ut, for etter 88 spelte minutt leia heimelaget heile 3 - 0.

Det var likevel Godøy/Vigra som kom best i gong. Dei pressa heimelaget hardt dei fyrste ti minutta og var like ved å skåre då Bjørn Daniel Graftås redda eit skot på streken for heimelaget. Etterkvart kom Lepsøy meir med og fekk satt igong ein for dagen svært opplagt Alex Eide på topp. Etter 15 min stakk han igjennom og kom åleine mot G/V sin gode Øystein Beite i målet, og det var keeper som vinn duellen då han redda skotet fint. Berre fire minutt seinere skjer det same igjen, Alex blir spelt fri, denne gongen rundar han keeper, men fra skrått hald går skotet i stanga og ut.

Lepsøy hadde no overtatt føringa i kampen. Dei  hadde bra kontroll på midtbana der spesielt Marius Eide jobbar godt, men også kaptein Martin Farstad gjer ein solid kamp. Lepsøy får ein dobbelsjangse då Alex på nytt stikk igjennom men skotet blir flott redda. Returen får Junior i beina men også hans avslutning vert redda.

Etter 41 min. lukkast endeleg Alex. Han kjempar til seg ballen i G/V forsvaret, rundar ein mann og åleine mot keeper gjer han ingen feil, skotet er kontrollert forbi keeper og i mål.

Heilt på slutten av første omgang får Lepsøy sin unge keeper Bjørnar Seth vist kva han er god for då han må ut i full lengde for å redde eit skot frå Trond Olav Dyb.

I starten av andre omgang har Lepsøy eit bra tak på kampen.  Geir Seth avsluttar med ei god heading som keeper får slått til corner. Etter litt att og fram får bror Magnus Seth avslutta innlegget frå Alex Eide og Lepsøy går opp i 2 - 0.

Like etter får Stian Roald sitt andre gule kort og må sjå resten av kampen frå sidelina. Lepsøy synes no å ha full kontroll. Det er derfor ikkje overaskande at heimelaget går opp i 3-0 leiing. På nytt er det Alex som er nest sist på ballen. Denne gongen legg han inn frå høgresida. Geir Seth lurer av ein forsvarer og styrer ballen sikkert i mål.

Etter dette ser det ut som om heimelaget har inkassert poenga. Alex går ut med strekk, og bror Marius tar seg også ein kvil på benken. Det ser likevel ut som om heimelaget har kontroll. Etter 88 min. får G/V frispark frå 20 m. Henning Dyb skyt hardt. Keeper Bjørnar Seth må gi retur, som Nils Ove Støbakk set sikkert i mål.

Stadion uret viser 92 min. då Henning Dyb igjen knaller til  og ny redusering er eit faktum. No er det verkeleg spaning igjen i kampen. Av ein eller anna grunn så har domare lagt til 6 min. Og i det 96 minutt får G/V på nytt frispark  frå ca. 25 m. Keeper får slått ballen rett opp, og G/V får ein kjempesanse. Heldigvis for heimelaget får forsvaret avklart og domaren bles for full tid og vel så det.

Tre viktige poeng til heimelaget, som har kome godt igang  med uavgjort borte mot Ellingsøy i første kamp og no altså siger mot Godøy2/Vigra2.

Målscorerane

Farleg sjanse

Alex set inn 1-0

Publikum

Alex

Junior og Alex

Kommentarer

Legg til Sřk

Skriv kommentar
Navn:
Email:
Tittel:

Powered by !JoomlaComment 3.26

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."